RUAAB Guarantee

Dikhawa nahi. Rob. Aur guarantee bhi likhi hui.

Har RUAAB piece Bikaner ke counter pe 4 baar check hota hai — 925 stamp loupe se, weight scale pe, har stone daba ke, finish bina scratch/dent ke. Uske baad hi box mein jaata hai. Isliye hum ye vaade likh ke dete hain:

1. 30 din — paise wapas.

Stone gira? Plating utri? Joint toota? Photo WhatsApp karo (+91 95870 50707). 48 ghante mein poora paisa wapas — UPI ya original payment method mein. Wallet credit nahi.

2. 1 saal — free repair ya replace.

Manufacturing defect poore saal cover. Pickup bhi hum karayenge.

3. 925 Challenge — nakli nikla toh paise wapas.

Kisi bhi certified lab mein test karao. 92.5% se kam nikli toh paisa wapas, test ka kharcha bhi hamara. Ye offer hamesha ke liye hai — kyunki humein pata hai hum kya bech rahe hain.

Aur ek sach jo koi brand nahi bolta.

Chandi kaali padti hai. Ye uska swabhav hai, kharabi nahi. Jo brand kahe uski chandi kabhi kaali nahi padegi — wo jhooth bol raha hai. Isliye har RUAAB box mein polishing cloth aati hai — 2 minute mein wapas chamak. Aur Bikaner store pe free polish, kabhi bhi.

Size ya pasand badalni ho — 15 din ka exchange (unworn, original packaging ke saath). Girne ya chemical se hui toot-phoot cover nahi hoti — repair at cost karwa denge.

RUAAB · Teliwara Chowk, Bikaner · care@ruaab.in